BUTUAN CITY – Gipahayag ni Fr. Carlito Clase, pari sa Diocese sa Butuan, nga complicated na ang sakit ni Bishop Juan De Dios Pueblos, apan ang acute leukemia ang gitoohang mipatay sa iyang kinabuhi alas 6:55 kagabi-i sa Cardinal Santos Hospital sa San Juan Manila.
Namatay ang obispo sa edad nga 74-anyos ug 22 ka tuig nga nagpabilin isip obispo sa Diocese of Butuan.
Sigon ni Fr. Clase sa eksklusibong pakighinabi sa Bombo Radyo Butuan, hangyu karun sa pamilya sa kanhe Bishop nga taga Bohol, nga ehapit ang patay’ng lawas sa Obispo sa iyang lugar adiser kini dalhon sa Butuan City.
Ang patay’ng lawa karun ni Bishop Pueblos anaa sa Loyola funeral chapel sa Manila.
Sa laing bahin, nagbangotan usab ang lokal nga kagamhanan sa lalawigan sa Agusan Del Sur sa pagkamatay sa Obispo.
Sumala ni Board Member Sante Cane, dakong kawad-on ang pagtaliwan ni Bishop Pueblos dili lang sa rehiyon sa Caraga ug dili lang sa mga kristiyano.
Alayon niini, dunay himoon matud pa silang lakang para sa obispo, sa ilang session ugmang adlawa.
