BUTUAN CITY – Nag-una gihapon ang Butuan City sa dunay pinakadaghang kaso sa COVID-19 sa Caraga Region.
Sa situational report No. 129 nga gipagawas sa DOH Center for Health Development- Caraga, adunay 27 ka mga kumpirmadong kaso sa COVID-19 cases ang dakbayan sa Butuan nga gisundan sa Agusan del Norte nga duna’y 16 samtang ikatulo ang Agusan del Sur – 5, tag-duha sa Bislig City ug Surigao City samtang tag-usa usab ang Bayugan City, Cabadbaran City, Surigao del Norte ug Surigao del Sur.
Gikuptan gihapon karon sa Butuan City ang pinakadaghang natala nga suspect cases sa rehiyon kansa anaa na sa 83 ug gisundan sa probinsya sa Agusan del Norte nga duna’y 35, Cabadbaran City-13, Surigao City-9, Agusan del Sur-8 ,Surigao del Sur-6, Tandang City-4 tagduha sa Surigao del Norte ug Bislig City ug usa ang natala nga suspect case sa Probinsya sa Dinagat Islands. Ang probinya usab sa Agusan del Sur ang nag-unag sa pinakadaghang probable case sa rehiyon nga muabot sa 36 gisundan sa Bayugan City-6, Surigao del Sur-3 ug duha sa Tandag City.
Sa kasamtangan nagpabilin sa 56 ang kinatibuk-ang kumpirmadong COVID-19 cases sa Caraga Region kondiin 7 na ang nakarekober ug na-discharged na samtang 46 ang naka-strict facility quarantine ug 3 ang na-admit.
