BUTUAN CITY-Hingpit nang natapos ang Caraga Regional Athletic Games 2024 nga gipahigayon sa Datu Lipus Macapandong Sports Complex sa Brgy. Patin-ay, Prosperidad, Agusan del Sur.
Sigon ni Pedro Tecson, tigpamaba sa Department of Education koN DepEd-Caraga, natapos na ang tanang mga dula ning adlawa ug gisugdan ang closing ceremony kaganinang alas-tres sa hapon.
Nag-una sa overall ranking ang Butuan City Paddlers human mihakot og 221 ka mga medalya nga gilangkuban sa 90 ka gold, 68 ka silver ug 63 ka bronze medals.
Gisundan kini sa Agusan del Sur nga mihakot og 229 ka mga medalya nga gilangkuban sa 86 ka gold, 69 ka silver ug 74 ka bronze medals samtang ikatulo ang Agusan del Norte nga duna’y 185 ka mg medalya nga gilangkuban sa 59 ka gold, 68 ka silver ug 58 ka bronze medals.
Samtang nabutang sa ika-upat hangtud sa ilka-dose nga pwesto ang Surigao del Sur, Surigao City, Bayugan City, Tandag City, Cabadbaran City, Surigao del Norte, Bislig City, Siargao Islands ug Dinagat Islands.
Sigon ni Tecson, malipayon ang tanan tungod sa malampusong paglusad sa maong padula.
