BUTUAN CITY – Nagpahigayon og coordination meeting ang lokal nga kagamhanan sa Butuan ka-uban ang mga regional offices sa Department of Migrant Workers kon DMW, Overseas Workers’ Welfare Administration kon OWWA ug Department of Labor and Employment kon DOLE aron matabangan ang mga Butuanon OFWs nga atua nagtrabaho sa Middle East ug gusto nang mu-uli.
Sentro sa ilang panagtigom ang himuong crisis intervention ug ang pagpangita og mga lakang nga angayang himuon alang sa kaayuhan ng mga ma-apektuhang OFW karong nagka-init ang tensyon sa Middle East.
Gipakisayran pa ni Butuan City Mayor Lawrence Fortun ang mekanismo sa koordinayon kung higayong duna na’y papa-ulion sa Pilipinas kondiin gikonsidera nila ang activation sa Crisis Management Task Force tali sa LGU ug sa mga concerned agencies.
Nasayrang as of Marso 12, duna na’y lima ka mga Butuanon OFWs ang nangayo og tabang aron maka-uli na sa Pilipinas kondiin misaad usab og suporta ang DMW, OWWA aug DOLE-Caraga ilabina alang sa repatriation, reintegration, employment facilitation, ug livelihood opportunity.
