BUTUAN CITY – Gitun-an na sa buhatan ni Butuan City Mayor Ronnie Vicente Lagnada ang mga demands sa mga orange tricycles drivers ug operators human nga gidid-an na pag-agi ug pagtabok sa national highway, base na sa gipagawas nga Executive Order No. 005, series of 2021 ug mi-epekto na niadtong Lunes, Marso 1.
Sa eksklusibong pakghinabi sa Bombo Radyo Butuan, gipadayag ni Michiko de Jesus, tigpamaba sa Butuan City government, nga duna na’y gihan-ay nga resolusyon ang Sangguniang Panlungsod alayon niini nga gila-umang maghatag og sulbad sa demand nga ikonsidera unta sa lokal nga kagamhanan ang dakong epektong hatud niini sa apektadong sektor ug usab sa mga pasahero.
Samtang naghulat sa mga lakang nga himuon sa siyudad, gibutyag ni de Jesus nga padayon gihapong sundon sa mga orange tricycles ang ilang mga ruta nga anaa lang sa bisan asang lugar sa siyudad nga gawas sa mga fixed routes.
Ang ruta sa Brgy. San Vicente padulong sa Brgy. Bayanihan, duna matud pa’y mga e-jeep ug kolor yellow nga traysikol samtang padayon pang gitun-an ang mahimong alternatibo niini.
Gila-umang karong semanaha, duna na usa’y resolusyong mapagawas alang sa alternatibong ruta sa Brgy. San Vicente ug may sidlakang bahin ning siyudad.
