BUTUAN CITY – Mukabat lang sa 7 gikan sa 27 ka probinsiya sa Mindanao samtanmg 8 gikan sa 33 ka siyudad niini ang nakatuman sa rikisitos sa Department of Budget to nga e-post sa ilang tagsa-tagsa ka websites kung giunsa nila pag-gasto ang milyones pesos nga gihatag kanila ilalom sa Bayanihan Grant for Cities and Municipalities kon BGCM og Bayanihan Grant for Provinces (BGP).
Ang Bayanihan Grant usa ka one-time assistance ngadto sa local government units (LGUs) ilalom sa Republic Act 11469 o the Bayanihan Heal as One Act aron makahimo sila sa hinanaling pag-responde sa krises nga hatud sa Covid-19.
Ang 27 ka probinsiya, 33 ka siyudad og 422 ka lungsod nakadawat sa kinatibuk-ang 10.5 bilyones pesos sa alokasyon sa nationwide Bayanihan Grant nga muabot sa 37.02 bilyones pesos. Ang BGCM mao ang bugti sa usa ka bulan nga IRA share samtang ang BGP mao ang bugto sa tunga sa bulan sa IRA share ug eksklusibong gamiton sa COVID-19-related programs, projects, activities kon PPAs og galastuhon.”
As of 11 p.m. niadtong Setyembre 3, 8 lang ka siyudad anhg naka-post sa ilang reports diha sa ilang websites. Kini mao ang Cagayan de Oro, Davao, Iligan, Isabela, Island Garden City of Samal, Malaybalay, Oroquieta ug Tagum; samtang 7 usab ka probinsiya nga mao ang Agusan del Norte, Basilan, Davao de Oro, Davao Oriental, Davao del Norte, Davao del Sur, og South Cotabato.
Ang 14 ka mga siyudad nga dunay aktibong websites apan walay na-post nga taho diha sa ilang Transparency Section mao ang Butuan, Dapitan, Digos, Cabadbaran, El Salvador, General Santos, Kidapawan, Mati, Panabo, Surigao, Tandag, Tacurong, Valencia og Zamboanga. Muabot sa 10 ka mga probinsiya usab ang dunay aktibong websites apan walay reports nga mao ang Agusan del Sur, Bukidnon, Camiguin, Davao Occidental, Lanao del Norte, Misamis Oriental, North Cotabato, Sarangani, Surigao del Norte og Zamboanga del Sur.
Ang DBM ilalom sa Local Budget Circulars para sa siyudad, munisipalidad og probinsiya nagmandu sa mga mayors og governors nga mag-andam og binulan nga taho sa fund utilization og status of implementation sa PPAs” gamit ang format nga gihatag sa DBM.
Gimanduan usab ang mga local chief executives nga e-post ang accumulated reports” sa local government unit’s website.”
