-- ADVERTISEMENT --
BUTUAN CITY – Nasakmit sa mga atleta ning dakbayan sa Butuan ang kampyunato sa Sepak Takraw sa nagpadayong Philippine National Games 2023 alang sa Regu category sa dula nila kagahapon sa Sampaloc, Manila.
Ang koponan gilangkuban sa mga magdudula nga sila Joert Jumawan, Ely Jan Nituda, Miel Jay Manlaran, Rorie Duquesa ug ilang coach nga si JM Isiderio.
Nagpa-abot gilayon sa iyang pagtimbaya ang lokal nga kagamhanan sa Butuan sa pagpanguna ni City Mayor Ronnie Vicente Lagnada tungod sa kalampusang ilang nakab-ot uban sa lain pang mga atletang nangdaug usab sa Batang Pinoy ug sa Philippine National Games 2023.
