BUTUAN CITY – Gipa-ilalom na sa general community quarantine kon GCQ sugod ning adlawa ang dakbayan sa Butuan samtang gihulatan pa ang pag-apruba sa Inter-Agency Task Force on Emerging Infectious kon IATF-EID sa apela niining lugwayan pa ang enhanced community quarantine kon ECQ.
Gikumpirma kini ni May Diez, tigpamaba sa Butuan City Government sa pakighinabi sa pakighinabi sa Bombo Radyo Butuan, dungan sa pagklaro nga duna’y 50 ka mga barangay nga ipabilin sa Enhanced Community Quarantine human natumbok nga dunay nagpositibo sa kaso sa Covid-19 aron maminusan o kaha mapug-ngan man lang ang pagkuyanap sa coronavirus.
Padayon usab nga hulaton ang bag-ong executive order nga ipagawas alang na sa guidelines nga kinahanglang sundon sa pagpatuman sa General Community Quarantine dinhi sa dakbayan sa Butuan.
Sa inisyal nga nasayran ni Diez nga duna nay tugutang pumpublikong tranportasyon apan obserbahan pa gihapon ang social distancing nga mao na karon ang gitawag nga ;new npormal’.
