Butuan City, gipa-ilalom na sa state of calamity
BUTUAN CITY – Gipa-ilalom na sa state of calamity ang siyudad sa Butuan tungod sa lapad nga damyos nga hatud sa mga pagbaha tungod sa pipila ka adlaw nga mga pag-ulan.
Sigon ni Butuan City Councilor Ferdie Nalcot, gi-aprubahan kagahapon sa ilang special session ang ang rekomendasyon sa City Disaster Risk Reduction and Management Council nga ipa-ilalom sa state of calamity ang siyudad human nga mi-abot na sa 20% sa populasyon ang apektado sa kalamidad.
Tungod niini, magamit na sa lokal na pamahalaan ang calamity fund alang sa panginahanglanon sa mga biktima sa baha ilabina kadtong nawad-an og panimalay og kadtong mga nanghikling.
Gawas niini, gipatuman na usab ang 60 ka adlaw nga price freeze sa tanang mga basic commodities og maka-avail na usab ang mga Butuanon og calamity loan sa PAGIBIG. (Beth Ruiz)
