BUTUAN CITY – Gidawat sa Butuan City ang komendasyon gikan sa Anti-Red Tape Authority (ARTA) tungod sa full implementation nila sa electronic Business One-Stop Shop kon e-BOSS, nga mao ang business registration digitalization.
Sumala ni Atty. Moshi Ariel Cahoy, ang hepe sa Business Permit ang Licensing Department, automated kon online na ang pag-apply sa mga negosyante ning dakbayan sa ilang mga business permits kondiin naka-integrate na sa ilang website bisan ang fire certificate ukg ang barangay clearance.
Bintaha matud pa kini tungod kay dili naman mahasol pa paglinya ang mga negosyanteng mukuha o kaha mag-apply og business permit tungod kay nakipag-partner usab sila sa mga online banking.
Una nang gisugdan ang online application sa maong fully automation sa dakbayan sa Butuan ning nakalabayng tuig. Dugang sa opisyal, challenging matud pa ang maong lakang ngadto sa mga dili makamao mugamit og mga computer o diba kaha mga cellphones.
Wala matud pa’y angayang kabalak-an tungod kay mahimo raman gihapon nga makapamalihog niadtung mga makamao.
Bisan pa man niini, giklaro ni Atty. Cahoy nga wala gihapon nila giwala ang mga walk-in nga magkuha og business permit tungod kay anaa pa man sila sa transmission period ug dili pa makamao ang tanan sa maong kabag-ohan. Kahibaloang sa tibook Pilipinas, ika-49 ang Butuan sa mga syudad nga nahatagan og komendasyon gikan sa Anti-Red Tape Authority (ARTA) tungod sa ka-compliant niini sa ease of doing business law, kondiin ang Butuan usab, maoy pinaka-unang LGU sa Pilipinas nga nahatagan og Seal of Electronic Business One-Stop Shop (eBOSS) Compliance.
Ang pamahayag ni Atty. Moshi Ariel Cahoy, ang hepe sa Business Permit ang Licensing Department ning syudad.
