BUTUAN CITY – Gipanawagan sa Bureau of Fire Protection – Butuan City Fire Station ngadto sa katawhan nga kinahanglang manawag gilayon sa pinakaduol nga fire station kung duna’y mahitabong sunog, ug dili gilayon mag-Facebook live.
Sumala ni acting city fire marshal Fire Sr. Insp. Ronald Vasquez, kinahanglang unahon ang pagtawag sa pinakaduol nga fire station aron matabang pa ang ubang kabalayan nga madamay sa pagkanat sa kalayo ug dili kay mag-Facebook live dayon. Pinaagi matud pa sa pagpakabana, malikayan ang casualty sama sa nahitabo sa Amamaylan, Brgy. Baan Km 3, kondiin usa ka person with disability ang namatay sa sunog.
Ang maong mga pahinumdom subay na usab sa personal nga kasinatian sa nasangpit nga opisyal dihang nasinatian niini ang pagkalangan sa ilang mga fire trucks atul sa sunog sa Brgy Baan Riverside nga mil-abot sa 20 ka mga balay tungod sa pag-atang sa mga indibidwal nga gakamulo og live sa ilang mga Facebook accounts.
Sumala sa opisyal, kinahanglan ang pagpanawag dayon sa fire station ug dili ang pag-post og una sa social media.
