BUTUAN CITY – Magpabilin ang Metro Manila sa general community quarantine (GCQ) “with heightened restrictions” hangtod Agosto 15 bisan og gibutyag sa pipila ka mga researchers ug negosyante nga ibutang kini sa mas hugot nga lockdown.
Kini ang gi-aprubahan ni Pangulong Rodrigo Duterte human girekomenda sa OCTA Research ug business sector ang 2-week circuit-breaker lockdown” sa Metro Manila tungod sa subling pagsaka sa mga COVID-19 infections.
Epektibo ang GCQ with heightened restrictions gikan sa Agusto 1 hangtod 15 sa National Capital Region, Ilocos Sur, Bulacan, Laguna, Lucena City, Cavite, Rizal, Naga City, Antique, Aklan, Bacolod City, Capiz, Negros Oriental, Zamboanga del Sur, Misamis Oriental, Davao City, Davao del Norte, Davao de Oro, Davao Occidental ug Butuan City.
Sa mga lugar nga GCQ with heightened restrictions, bawal mugawas ang mga batang nag-edad 5-anyos pataas. Regular nga GCQ usab ang ipatuman sa Baguio City, Apayao, Quezon, Batangas, Puerto Princesa, Guimaras, Negros Occidental, Zamboanga Sibugay, Zamboanga City, Zamboanga del Norte, Davao Oriental, Davao del Sur, Gen. Santos City, Sultan Kudarat, Sarangani, North Cotabato, South Cotabato, Agusan del Norte, Surigao del Norte, Agusan del Sur, Dinagat Islands, Surigao del Sur ug Cotabato City.
Samtang hugot nga modified enhanced community quarantine (MECQ) usab sa tibook buwan sa Agusto ang ipatuman sa Ilocos Norte, Bataan, Lapu-Lapu City, ug Mandaue City.
Anaa sa pinakahugot nga enhanced community quarantine (ECQ) gihapon sa tibook buwan sa Agusto ang Iloilo City, Iloilo, Cagayan de Oro City ug Gingoog City.
Magpabilin usab sa pinakaluag nga modified general community quarantine (MGCQ) ang nahabiling bahin sa Pilipinas nga wala mahisgutan sa unahan.
