BUTUAN CITY – Wala na gikakurat pa ni Barangay Banza Kapitan Nestor Amora ang suspension order sa Sanguniang Panglungsod ning siyudad sa Butuan batuk kaniya.
Sigon pa ni Amora, wala pa siya ‘y nadawat nga pormal nga kopya sa pagsuspende kaniya apan gilauman na matud pa niya kini nga disesyun human wala tuguti sa komitiba ni Konsehal Atty. John Gil Unay, ang committee on Good Governance, ang gihangyu niya nga lugway aron makasubmite ug position order.
Dili matud pa kini makatarungan tungod kay gikinahanglan man ang posisyon paper sa gi-akusahan adiser ipagawas ang disesyun.
Apan giklaro ni Amora nga kahupayan ang maong suspension order tungod kay dili na usab siya gusto nga muduyog pa sa kasamtangang adiministrasyon.
Gibarugan pa niini nga bisan ug duna siya’y saktong dokumento isip pamatood nga bakak ang gipasakang reklamo sa iyang 5 ka mga barangay kagawad, wala gihapon siya ‘y makab-ot nga hustisya samtang sila pa ang anaa sa katungdanan.
Gihagit pa ni Amora ang iyang mga kalaban mga dalhon sa korte ang reklamo ug dili lang sa sanguniang panglungsod.
Alayon sa maong hisgutanan, gihulat nalang ni Amora ang hukom sa nasyunal liga nga magpagawas ug resolusyon nga magsulti nga illegal ang pagtangtang kaniya sa puwesto. (Rolan Janea)
