BUTUAN CITY – Pormal nang gisugdan sa lokal nga kagamhanan ning siyudad sa Butuan ang tinuig nga Business One Stop Shop kon BOSS kansa matapos sa Enero 20.
Sigon ni May Diez – tigpamaba sa Butuan City-LGU, tumong niini nga mapadali ang proseso sa paglukat ingon man ang pag-renew og business permit tungod kay anaa na sa City Hall lobby ang mga personahe sa mga hingtungdang government agencies nga apil sa mupirma sa mga rekisitos sa pagkuha og business permit.
Sa eksklusibong pakighinabi sa Bombo Radyo Butuan, gibutyag ni Diez nga apil sa mga dokumentong dalhon alang sa mga mag-renew sa ilang business permit ang barangay certificates alang sa lugar diin sila nagpuyo ug sa establisamiento diin sila nagnegosyo, apil ang daan nilang permit dayon ang cedula ug uban pa.
Giklaro pa ni Diez nga sa mga regular days, atimanon og una sa mga personahe sa Business Permits and Licensing Division ang mga mag-renew sa ilang permit aron mahurot gilayon nila og accommodate tungod sa ilang kadaghan.
Dili matud pa angayang mabalaka ang mulukat pa og lisensya tungod kay mag-render og overtime work ang mga personaheng gi-detail sa ilang hingtungang ahensya aron masigurong ma-cater ang ilang kinahanglang hikayon.
