BUTUAN CITY – Nagpagawas sa hilabihan nga kadismaya pinaagi sa pagpost sa social media ang usa ka pasahero human gibato ang ilang gisakyan nga bus sa ngit-ngit nga parte sa Bunawan Brook,Bunawan,Agusan del Sur kaganinang kaadlawa.
Base sa post ni Marrisa Campus Lloren, pasado alas 2:30 kaganinang kaadlawon nahitabo ang insidente samtang sakay siya sa bus nga padulong sa Davao.
Sumala pa niini nga hasol kaayu ang nahitabo tungod kay mibalik paman ang bus driver sa Bunawan Municipal Police Station aron magpa-blotter.
Makita pa sa hulagway ang duha ka bintana sa bus nga nabungkag na diin hapit matud pa siyang naigo sa mga bildo.
Miawhag nalang kini sa katawhan nga dunay kahibalo mahitungod sa suspek nga e-report sa kapulisan aron mahatagan og leksiyon.
Hinoon, nakapadayon gihapon sila sa biyahe human mibalhin og laing bus.
