BUTUAN CITY – Gitangtang na ni Pangulong Ferdinand ‘Bongbong’ Marcos Jr. si Bureau of Immigration (BI) Commissioner Norman Tansingco, base an sa pagkumpirma usab ni Presidential Communications Secretary Cesar Chavez.
Kini samtang nagpadayon ang Senate hearing kalabot sa ilegal nga paggawas sa nasud ni dismissed Bamban, Tarlac Mayor Alice Guo.
Gipahibalo na si Tansingco niini nga development, apan wala pa siya pormal nga nakadawat og papel alayon niini.
Nasayrang mitambong pa siya sa nagpadayong Senate hearing aron makuha ang ilang panig kung nganong wala gayod sila maka-detect sa pagsibat ni Guo taliwa sa mga posibilidad sa pagsibat niini tungod sa pagkalambigit sa daghang mga isyu ug sa gi-atubang niining mga kaso.
Una nang misaad si Pangulong Bongbong Marcos nga duna’y ulo muligid tungod sa pagsibat ni Guo.
