BUTUAN CITY – Gimandu ni Bureau of Immigration Commissioner Joel Viado ang pagtangtang sa puwesto sa BI personnel human nga makasibat ang high-profile nga puganteng Korean national. Tungod kay Base sa nakuha sa bag-ong CCTV footage ug testimonial evidence, posibleng dunay pakigkunsabo.
Sigon ni Comm. Viado nga dili kini simpleng pagpasagad lang tungod kay nakuha sa camera ang mga lihok og interactions nga nagpakita nga kunsabo ang duruha.
Gawas niini, nakakuha usab sila og dugang testimonial evidence nga magpakusog pa sa ilang kaso batuk sa nalambigit nga personnel.
Nagpadayon pa ang imbestigasyon sa karun. Bisan og duna na silay gihawiran nga lig-on nga ebidensiya nga magsuporta sa criminal cases batuk sa mga responsable sa likod sa nasangpit nga insidente.
Kasamtangan nang gisusi ang CCTV footage nga matud pa nagpakita sa pagtabang sa BI officers sa misibat nga pugante.
Misaad ang opisyal nga dili mohunong og walay santuhon ang ahensiya nga bisan kinsa hangtud dili masilotan og mapriso ang tanang responsable niini.
Una niini, nakasibat ang puganteng Korean nga si Na Ik-hyeon sa dihang mitambong kini sa pagdungog sa iyang kasong estafa sa Quezon City prosecutor’s office niadtong Marso 4.
