BUTUAN CITY – Nagpagawas og local red tide warning ang Bureau of Fisheries and Aquatic Resources kon BFAR-Caraga human nagpositibo sa pyrodinium bahamense var nga compressum – ang water samples nga nakolekta nila gikan sa Lianga Bay.
Ang compressum –usa ka makahilong micro-organism nga maoy hinungdan sa Paralytic Shellfish Poisoning kon PSP. Sa warning nga gipirmahan ni BFAR-Caraga regional director Visa Tan-Dimerin, nakalatid nga tumong niini nga maprotektahan ang katawhan samtang naghulat sa resulta sa confirmatory test sa mga shellfish samples nga ilang gipadala ngadto sa ilang National Fisheries Laboratory Division.
Alayon niini likayan una ang pagpamaligya ug pagkaon sa tanang klase sa mga kinhason, pasayan ug uyap kon ansuhan. Ang mga isda, alimango, ug nukos mamahimong makaon apan kinahanglang kuhaan kini og tinai ug hinluan og maayo adiser lutuon.
