BUTUAN CITY– Subling natala ning adlawa sa Philippine Institute of Volcanology and Seismology kon PhiVolcs ang minor phreatomagmatic eruption sa Taal volcano kaganinang ala-11:32 sa sayong udto kansa milungtad og 4-minutos.
Sigon sa Phivolcs, mi-abot sa 2,000 metro ang gitas-on sa gibugang plume kon alisngaw gikan sa main crater niini.
Nasayrang gikan sa morning advisory sa Phivolcs, nakatala sila og upat ka mga volcanic phreatic eruption sa bulkang Taal sa nakalabay nga 24 -oras. Mi-abot usab sa 3,276 tonelada kada araw ang gibuga niining sulfur dioxide flux ug mu-alisngaw og hangtud sa 1,200 metros ang gitas-on.
Taliwa niini, nagpabilin pa gihapon sa Alert Level 1 Status ang Bulkang Taal ug gi-abisuhan pa gihapon ang mga residenteng duol sa lugar nga alerto ug andam kanunay sa mga hulga sa pag-alburoto niini. Bisan ang mga private volunteer groups, andam usab mutabang kung kinahanglan nang ihikling ang mga residente kung mugrabe na ang sitwasyon sa maong bulkan.
