BUTUAN CITY – Dako ang pagpasalamat sa katawhan nga nagpuyo sa mga barangay duol sa Mt. Kanlaon nga milurang na kini sugod kaganinang buntag human ang pagbuto niini kagabii.
Sa eksklusibong pakighinabi sa Bombo Radyo Butuan kang Hannah Campos, residente sa La Carlota City sa Negros Occidental, gibutyag niining apektado kaayo sila sa maong pagbuto ug gani, daghan na ang gipanghikling ngadto sa mas luwas nga lugar tungod sa nagpadayong ashfall nga sakit matud pa sa mata ug sa ilang ilong tungod sa kabaho niini og asupre.
Nagpasamot pa sa ilang gilbating kahadlok, ang daut nga panahon tungod kay anaa man ang pagpanalogdog ug pagpangilat.
Dugang pa ni Campos, wala sila’y reklamo sa aksyon sa ilang local government unit tungod kay aktibo man ang ilang City Disaster Risk Reduction and Management Council kon CDRRMC.
Usa sa ilang gitu-uhang hinungdan sa kalit nga pagbuto sa bulkan mao ang sobra ka-init sa panahon sa ilang lugar nga mu-abot matud pa sa 45-degrees Celsius kada-adlaw.
