BUTUAN CITY-Gipasabot ni Butuan City Councilor John Gil Unay kung nganung hangtud karun, wala pay nag-operate nga cockpit arena ning siyudad.
Sumala ni Konsehal Unay nga dunay 4 ka sabungan ang dakbayan, Barangay Ampayon, Bading, San Vicente og Aupagan.
Nasayrang base sa balaod, kinahanglang duna lama’y duha ka mga bulangan ang matag Local Government Unit kon LGU rasong dunay gihimong pag-amiyenda sa cockpit ordinance aron maseguro nga nakasunod sa balaod ang matag-sabungan.
Napapasar ang bag-ong ordinansa niadtong 2020 diin kinahanglang 2 na lang ang sabungan sa siyudad, kondiin ang gi-applyan ug pagtugot ang Ampayon ug Bading kansa nakasunod sa land use plan nga dapat commercial area ang gi-aplayan ug gibayrang buhis ug dili residential nga yuta.
Ang duha ka mga barangay, nagpasa na og application ngadto sa Business Permit and Licensing Division kon BPLD ning siyudad. Ugaling makapasar, mahatagan sila og 10 ka tuig nga prangkisa.
Pasabot pa sa opisyal nga wala mi-qualify ang sa San Vicente tungod kay residential ang gigamit niining yuta samtang agricultural usab sa Aupagan.
Nasayrang lakip sa napalabang nga cockpit ordinance ning siyudad, ang pagbawal sa mga sabung atol sa kapistahan sa bisan kinsang barangay.
Pwede matud pa kining himoon sulod sa nahatagan og permit nga sabungan.
