BUTUAN CITY – Gikasuhan na sa paglapas sa RA 9208 o Expanded Anti-Trafficking in Persons Act og Cybersex ang suspetsadong nasikop niadtong alas 3:00 sa hapon sa Marso 30, 2018 sa may Purok 7, Tropical Subdivision, Barangay Poblacion, Bayugan City, probinsiya sa Agusan Del Sur.
Nasayrang gikasa ang operasyon sa hiniusang puwersa sa Regional Anti-Cybercrime Unit 13; Bayugan City Police Station; Regional Mobile Force Battalion 13; Regional Inter Agency Committee Against Trafficking; ug City Social Worker Development.
Bitbit sa mga niini ang Search Warrant nga gi-isyu ni Judge Isah Echem-Tangonan, Presiding Judge sa RTC Branch 33 og na-aresto si Avelina Jummamoy, legal ang pangedaron ug resident sa nahisgutang dapit samtang na-rescue ang duha ka mga biktima, nga usa minor-de-edad nga gitoohang performers sa suspect.
Nakumpiska sa operasyon ang usa ka computer set; cellphone; tablet; video camera; speaker; router, telephone; assorted sex gadgets; ID; bank cash card; ug ATM Card.
Gikustudiya na sa kapulisan ang nadakpang suspek alang sa tukmang disposasyon.
