Buffer stock sa National Food Authority, igo pa alang sa mga dinaliang panginahanglanon sa nasod

BUTUAN CITY- Gihupay sa National Food Authority (NFA) ang kahadlok sa publiko kalabot sa panginahanglanon sa bugas sa Pilipinas kung mograbe ang epekto sa huwaw.

Sumala ni National Food Authority officer-in-charge administrator Larry Lacson, duna pay igong bugas nga gitipigan sa ilahang ahensya kansa mamahimo pang magamit karong huwaw.

Gawas niini, duna pa usay suplay, kung ugaling maigo ang nasud sa lain pang kalamidad.

Giklaro usab ni Lacson nga naghimo na sila og mga lakang aron magpabiling igo ang bugas nga anaa sa mga bodega.

Dugang niini nga walay gahom ang NFA sa pagpagawas sa mas baratong presyo sa bugas humay sa kamerkadohan tungod kay bugtong gahum lamang niini mao ang paghipos sa mga napalit nga produkto.