BUTUAN CITY – Dili mutan-aw si Queen Elizabeth sa interview ni Ophra Winfrey ngadto sa iyang apo nga si Prince Harry ug asawa niining si Meghan Markle – ang Duchess sa Sussex kondiin gihugon-hugon nga duna sila’y ibulgar mga makakurat sa tibuok kalibtutan.
Human ang pila ka adlaw nga teaser, gi-anunsyo sa palasyo ang bag-ong imbestigasyon kalabot sa karaang alegasyon sa bullying batuk kang Meghan kansa hugot niining gipanghimakak dungan sa pagpasabot nga dili sa tanang panahon maglaum ang palasyo nga padayon silang magpakahilom sa iyang bana kalabot sa tinguha sa Buckingham nga pugngan silang magpagawas sa ilang panig.
Karon, gipanawagan sa rayna ang panghi-usa sa tibuok nilang nasud samtang nangandam ang Buckingham Palace sa mamahimong unod sa interview.
Samtang kung dili mutan-aw si Queen Elizabeth sa interview, lahi ang senaryo sa gawas nga bahin sa palasyo tungod kay gusto nilang masayod kung unsa ang ibulgar nila Prince Harry ug Meghan ilabina ang rason sa hingpit nilang pagtalikod isip membro sa Royal family.
