BUTUAN CITY – Gikumpirma sa Butuan City Environment and Natural Resources Office kon City-CENRO nga mitahan na sa ilang buhatan ang tag-iya ug driver sa bongo vehicle nga nasapong naglabay og basura ubos sa dalan nga padulong sa sapa sa maong barangay.
Sumala sa CENRO, gipahamtangan nila og penalidad ang maong mga indibidwal ug gitahasan usab nga hinluan karong adlawa ang ilang gipanglabay nga basura.
Ang maong lakang kabahin sa istrikto nga pagpangusog sa Sangguniang Panlungsod kon SP Ordinance No. 7192-2024 o ang Ecological Solid Waste Management Code ning siyudad.
Gidayeg sa publiko ang Barangay De Oro ug ang CENRO sa paspas nga aksyon ug gipasidan-an ang publiko nga bisan kinsa nga madakpan nga maglabay og basura, silutan sumala sa balaod.
Gi-awhag usab ang tanan nga residente nga kung adunay makita nga susamang kalapasan, pagkuha og litrato o video ug diretso nga ireport sa mga barangay officials aron daling matubag ug matun-an ang insidente.
