BUTUAN CITY – Hingpit nang nahimong balaud ang Republic Act No. 12232 nga maoy magpa-uktaba sa Barangay ug Sangguniang Kabataan kon SK elections nga gitakda karong Disyembre ning tuiga.
Kini human kini gipirmahan ni Pangulong Ferdinand Marcos Jr aron mas matutukan sa gobyerno ang unang parliamentary elections sa Bangsamoro Autonomous Region in Muslim Mindanao (BARMM) karong Oktubre.
Ang BSKE nga nakatakda unta sa Disyembre 1, gisibog sa Nobyembre 2, 2026, kansa ma-atol sa All Souls’ Day.
Subay sa balaod, ang eleksyon sa barangay ug SK ipahigayon matag upat ka tuig ug tungod sa pagpirma sa pangulo, gilugwayan niini ang termino sa mga barangay ug SK officials ngadto sa upat ka tuig, gikan sa tulo ka tuig base sa nakalatid sa Local Government Code.
Ang mga incumbent barangay officials nga nagserbisyo sa ikatulo nilang sunod-sunod nga termino, dili na mahimong modagan pag-usab sa susamang posisyon sa 2026 BSKE.
Gibutyag ni Marcos nga ang BARMM elections importante kaayo sa kalinaw sa Mindanao, ug ang kapakyas niini mahimong dakong kadaut sa peace process.
