BUTUAN CITY – Padayon karun ang lawom nga imbestigasyon may kalabutan sa pagpusil sa riding-in-tandem ngadto sa usa ka media practitioner sa iyang kaugalingon FM Station sa may Pagbahanan 1, Poblacion Marihatag, Surigao Del Sur.
Sigon ni P/Sr. Insp. Allan Basco, Hepe sa Marihatag Municipal Police Station, gipusil si JuLieto “Lito Paka”Orillaneda, 35-anyos, menyu ug Broadcaster, sa gawas sa iyang kaugalingong FM Station alas 7:00 sa niaging gabii.
Sumala pa sa Hepe, gikan sa merkado ang biktima ug sa pagkanaog sa giksayang tricycle, dinhe na siya gipusil sa nagsunod nga riding-in-tandem, kansa ang gunman, nagkalo lang. Nakahi-agum ug upat ka samad pinusilan ang biktima.
Napingsan ang likod sa ulo, sa li-og nga nilapos sa aping, sa tuong braso ug sa aping nga milapos sa ba-ba.
Hinoon luwas na karun sa makuyaw nga kahimtang ang biktima apan dili pa kini maka-estorya.
Lakip sa gitutukang motibo sa kapulisan ang mahitungod sa iyang trabaho isip komentarista.
