BUTUAN CITY – Sugdan karung Mayo 15 ang unom ka adlaw nga Brigada eskwela 2017.
Sigon ni Elizalde Bernales, Regional Information Officer sa Department of Education kon DepEd-Caraga, ang kasamtangang Brigada Eskwela, naka-angkla sa temang: Isang DepEd, Isang Pamayanan, Isang Bayanihan para sa ligtas na paaralan. Himoon ang kick off ceremony sa rehiyunal nga buhatan sa Buenavista National Highschool diin dunay ipahigayong programa.
Giklaro ni Bernales nga base sa deped order, kinahanglang himoon ang kick off ceremony sa sekondarya nga tunghaan nga dunay senior highschool.
Alayon niini, gi-awhag sa opisyal ang tanang stakeholders ilabina sa mga ginikanan nga mopa-ambit sa ilang panahon ug resources diha sa pag-andam sa mga tunghaan alang sa pagsugod sa klase sunod bulan.
Giklaro usab ni Bernales nga dili mandatory, hinoon bulantaryo ang himoong brigada eskwela. Dili matud pa kini mahimong rikisitos sa pagpa-enrol sa mga bata.
