BUTUAN CITY- Gidakop sa National Bureau of Investigation kon NBI si kanhi Department of Public Works and Highways kon DPWH Engineers Brice Hernandez ug Jaypee Mendoza.
Gitugyan ang duha sa Senate Office of Sergeant at Arms human ang pagtambong sa mga niini sa hearing sa Senado kagahapong adlawa Lunes, Enero 19.
Ang duha co-accused ni kanhi Senator Ramon “Bong” Revilla Jr. sa kasong graft ug malversation of public funds sa Sandiganbayan. SUkad pa niadtong tuig naka-detene na sa Senado ang duha human nga ma-cite in contempt niadtong hearing sa blue ribbon committee kalabot sa anomalya sa flood control.
Gikumpirma usab ni Senate President Vicente “Tito” Sotto III nga minghatag kini og awtorisasyon aron hatagan og warrant ang duha ka opisyal sa DPWH.
Gawas nila Revilla, Mendoza ug Hernandez lakip usab nga gipadakop sa Sandiganbayan Third Division sila si Arjay Domasig, Juanito Mendoza, Emelita Juat ug Christina Pineda.
