BUTUAN CITY – Gibarugan sa Commission on Elections kon COMELEC nga wala na’y aberya rason ga nahinayon gayod ang barangay ug Sangguniang Kabataan kon SK elections karong Disyembre 1.
Kini bisan og gi-aprubahan na sa ikatulo ug katapusang pagbasa sa House of Representatives ang sugyot-balaudnong maglugway sa ngadto sa unom ka tuig sa termino sa mga Barangay ug Sangguniang Kabataan kon SK Officials gikan sa kasamtangang tulo ka tuig.
Mi-abot sa 153 ka mga kongresista ang nag-aproba sa House Bill 1287 samtang upat ang wala mipabor ug usa usab ang mi-abstain kondiin nakalatid sa sugyot-balaodnon nga ang synchronized Barangay ug SK elections ipahigayon kada-unom ka tuig sa ikaduhang Lunes sa Mayo sugod sa tuig 2029.
Sigon ni COMELEC chairman George Erwin Garcia, magsugod sa alas-siete sa buntag hangtud sa alas-tres sa hapon ang botohay ug manual counting ang himuong hagpatay sa mga balota.
Maggahin usab og sayo nga oras ang poll body aron makabotar og sayo ang mga senior citizens, mga mabdos ug persons with disabilities.
Samtang sugdan na karong Hulyo 1 hangtud 11 ang rehistrasyon sa mga mubotar sa maong eleksyon samtang ang filing sa certificate of candidacy himuon sa Oktubre 1 hangtud 7.
Gipahimangnuan usab ni chairman Garcia ang mga local officials nga magpabiling neutral tungod kay higayong masapon silang misuporta sa usa ka kandidato ug gipagamit pa ang resources sa gobyerno, mahimo silang mapasakaan og tukmang kaso.
