BUTUAN CITY – Naaresto sa kapulisan sa Libjo, lalawigan sa Dinagat Islands ang usa ka konsehal sa barangay nga nag-atubang og kasong pagpanglugos og gilista isip No. 7 most wanted person sa maong lungsod uban sa laing duha ka mga most wanted persons.
Kini human ang ilang round-the-clock manhunt operations nga gipahigayon ning mi-aging adlaw. Naila ang nadakpang si Rodolfo Sayson Sr. 76-anyos, residente og Barangay Quezon, lungsod sa Libjo.
Samtang sa laing operasyon, naaresto usab sa kapulisan sa Agusan del Sur didto sa Brgy. Masara, lungsod sa Maco, Compostela Province, si Rolando Bulanon, Sr., 72-anyos, nag-atubang og kasong frustrated murder og Number 5 most wanted person sa lungsod sa Bunawan, Agusan del Sur ingon man ang 23-anyos nga si Jeviert Estar, kinsa wanted sa kasong rape, og number one most wanted person sa lungsod sa Esperanza, Agusan del Sur. (Beth Ruiz)
