BUTUAN CITY – Nahimo nang Super Typhoon ang bagyong Carina kansa sa kasamtangan, anaa na kini sa 395 km Amihanang bahin sa Itbayat, Batanes.
Nagdala kini og hangin nga mo abot sa 185 matag oras ug pagbuylo ng amo abot ngadto sa 230 km matag oras.
Naglihok kini pa Amihanang-sidlakan sa 20 km matag oras.
Sumala sa taho sa Bombo Weather Center nga labign apektado niini ang Batanes Island, kansa masinatian ang mga pagbaha, ug pagdahili sa yuta tungod sa kusog nga pagbundak sa ulan.
Gawas niini, gipahimanguan usab ang amihanang bahin sa Cagayan lakip ang Babuyan Islands ug ang amihanang bahin sa Ilocos Norte tungod kay posible sa maong mga lugar ang pagbaha o pagdahili sa yuta tungod sa kasarangan ngadto sa kusog nga pag-ulan.
Sa kasamtangan, gideklara na under state of calamity ang kinatibuk-ang Metro Manila tungod sa epektong hatud sa bagyong Carina nga gipakusog pa sa hanging Habagat.
Gihimo ni Secretary Abalos ang iyang rekumendasyon sa tigom nga gipangunahan ni Pangulong Ferdinand Marcos Jr., sa buhatan sa National Disaster Risk Reduction and Management Council kon NDRRMC.
Sigon sa Pangulo, nagpadayon karon ang pag-convene sa Metro Manila Council aron palig-non ang pagdeklara sa state of calamity.
