BUTUAN CITY – Na-missing ang Mutya ng Pilipinas Pampanga 2023 candidate nga si Geneva Lopez ug uyab niini nga Israeli national nga nailang si Yitshak Cohen.
Gikataho ang maong balita sa igsoon ni Geneva nga si Joni sa Angeles City Police Station 4.
Sigon sa report, ninghangyo matud pa si Joni og assistance sa mga kapulisan sa Capas municipal police station dihang gikataho nga dunay gibiyaan ra nga naugdaw nang sakyanan nga ilahang nasigpatan, samtang gipangita ang missing niini nga igsoon ug Israeli Boyfriend.
Kahibaloang si Geneva, 27, ug Yitshak, 37, dili makontak pinaagi sa ilahan mga social media ug personal nga mga numero sa mobile phone sukad pa niadtong Hunyo 21 bandang alas 3 ang takna sa hapon.
Nagpuyo ang maong magtiayon sa Barangay Malabanias, Angeles City.
Sumala ni duty investigator Staff Sergeant John Paul Nash kansa nihimo og interbyu kang Joni nga nagplano matud pa sila Geneva ug Yitshak nga moadto sa Capas, Tarlac aron makigkita sa ilang higala nga giilang si Michael Angelo Guiang bahin sa ilahang property transaction.
Sigon ni Colonel Amado Mendoza, hepe sa Angeles City nga nagpadayon pa karon ang search operation lakip na ang pag-backtrack sa CCTV footage.
