-- ADVERTISEMENT --

BUTUAN CITY – Gi-turn over na ngadto sa mga kalungsuran sa Agusan del Sur ang mga brandnew nga sakyanan nga mao ang Patient Transport Vehicle kon PTV alang sa mga pasyente nga dunay COVID-19 o bisan sa mga emergency action sa maong pronbinsya.

Sa pakighinabi ning sibyahan ngadto ni Alfredo Plaza, Public Information Officer sa probinsiyal nga kagamhanan sa Agusan del Sur, gibutyag niini nga katuyuan lamang sa probinsya kadtong mga manguliay nga mga Locally Stranded Individuals kon LSIs ug Returning Overseas  Filipinos kon ROFs aron dili maglisud ang mga niini kung mooli sa probinsya ilabina nga kinahanglan kining  moagi sa RT-PCR test.

Ang 14 kabook nga mga bag-ong sakyanan gi apod-apod na ngadto sa  lungsod sa Talacogon, La-paz,San Luis, San Francisco, Prosperidad, ug Bayugan City samtang padayon ang paghatag sa nahabiling lungsod aron kung dunay manguli sailang lungsod mahimong sila na mismo ang mokuha niini.