BUTUAN CITY – Ang usa ka 50 anyos nga babaye nga gi-ingon sa mga doktor nga brain-dead na ug wala nay paglaum, kalit lang nakamata pag-usab human ang ambulansya nga nagdala niya mibangga sa dako nga lubak sa dalan. Si Vineeta Shukla nakuyapan samtang nagtrabaho sa balay ug gidala sa ospital.
Tungod sa iyang grabeng kahimtang, gi-transfer siya sa lain nga ospital. Didto, giingon sa mga doktor nga dili na siya makamata kay ubos kaayo ang iyang lebel sa kahimatngon.
Tungod ani, nagdesisyon ang iyang pamilya nga paundangon na ang pagtambal ug nangandam na para sa iyang lubong. Pero samtang gisakay siya sa ambulansya, nabanggaan kini og lubak ug nakurat siya.
Human ato, napansin sa iyang bana nga naghinay-hinay na siya og ginhawa ug nag-improve ang iyang kahimtang.
Gidala siya balik sa ospital ug nakapahibulong siya sa mga doktor kay nakamata na siya. Karon, nakauli na siya sa ilang balay ug nakig-istorya na sa iyang pamilya.
Bisan pa ani nga milagro, ang uban nag-ingon nga talagsaon ra kaayo ni nga hitabo ug dili makapuli sa daghang namatay tungod sa mga aksidente sa lubak sa India.
