BUTUAN CITY – Mohimo ang Bureau of Plant Industry (BPI) og inspection sa mga bodega sa sibuyas arun sayron kung duna bay nahitabong hoarding o pagtago og mga supply sa maong produkto.
Kini alayon na usab sa mando ni Agriculture Secretary Francisco Tiu Laurel Jr. nga bisitahon tanang mga cold storage facilities sa sa tibook nasod asa gitipigan ang mga bombay.
Sumala sa BPI nga importanteng masayran kung gitipigan ba ang mga bag-ong ani nga sibuyas, imbis nga dal-on ug ibaligya kini sa kamerkaduhan.
Laumang maabtan pa og pito ka adlaw ang maong ahensya sa pagsuhid sa mga bodega sa tibook nasod alang sa nasangpit nga inspection.
Sigon sa Department of Agriculture (DA), ugaling masuta nga dunay gipang taguan nga binultong mga sibuyas, isipon kini nga hoarding ug pagsulay og manipula sa presyo sa sibuyas.
Subay sa bana-bana sa DA, kinahanglang dunay mga bag-ong ani nga sibuyas sa kamerkadohan tungod kay gikatakda man ang ani matag Pebrero ug bulan sa Marso.
Kahibaloang magsugod lamang og pundo sa mga sibuyas bandang tunga-tunga og katapusang bahin na sa season.
