BUTUAN CITY – Nagpadayon ang clearing operations sa militar human gi-harass sa mga rebeldeng New People’s Army kon NPA ang patrol base sa 23rd Infantry Battalion, Philippine Army sa Brgy. Sinacungan, lungsod sa Esperanza, Agusan del Sur kaganinang alas-3:40 sa kaadlawon.
Sigon ni P/Chief Insp. Ruben Guanzon, hepe sa Esperanza Municipal Police Station, mibalos gilayon ang militar hinungdan nga milungtad ang binakbakay pasado alas-sais na kaganinang umaga.
Ang harassment nga gihimo sa mga sakop sa Guerilla Front Committee 4B maoy nagpadelatar og 30-minutos sa botohay sa maong barangay nga nasugdan lang human na-secure sa militar ang polling station.
Aminado ang opisyal nga wala’y casualty sa tropa sa kagamhanan og gipakisayran pa kung duna’y namatay o kaha na-angil sa panig usab sa mga rebelde. (Beth Ruiz)
