BUTUAN CITY – Giulan og mga pagbati ang Boston Celtics human nila giparot sa ikaduhang sunod-sunod nga higayon ang Dallas Mavericks kagahapong adlawa sa iskor nga 105-98.
Napildi sa Boston ang Dallas pinaagi sa impresibong performance sa tibuok team nga gipangunahan ni point guard Jrue Holiday kansa miiskor og 26 ka puntos ug 11 ka rebounds.
Nagpakita usab og all-around performance si power forward Jayson Tatum. Gibabad si Tatum sa maong dula sulod sa 45 minutos ug ug ningpaulan kini og 18 puntos, 12 ka assists, ug 9 ka rebounds. Ning-amot usab si Jaylen Brown og 21 puntos ingon man 7 ka assists.
Alayon niini, wala magsilbi ang 32pt, 11 rebs, 11 assts nga triple-double nga performance ni Luka Doncic, aron mapukan ang Boston. Lima usab ka mga magduduwa sa Dallas ang niamot og double-digit nga puntos lakip na ang 16 puntos ni Kyrie Irving ug 17 ni PJ Washington.
Sa unang kuwarter pa lamang sa maong duwa, nignpakita na ang Dallas og maayong shooting performance kansa miiskor og 28 puntos samtang ang Boston aduna lamay 25 puntos nga balos.
Gipugos sa Boston pag-outscore sa Mavs sa 2nd quarter ug miiskor kini og 29 puntos samtang ang Mavs nalimitahan lamang sa 23 puntos. Sa pagtapos sa 1st half, ang ninghawid pa ang Boston sa 3 ka puntos nga labaw, 54-51.
Pagsulod sa 3rd quarter, nisaka ngadto sa siyam ka puntos ang labaw sa Boston batok sa Dallas.
Wala mawad-i og paglaom ang Dallas ug napugos og balik sa kataposang kwarter sa duwa, gamit ang maayong opensa nga gipangulohan ni Luka.
Kahibaloang pagsulod sa clutch time, hawid na sa Boston ang labaw, 103 – 89, apan gipaningkamotan pa sa Dallas nga labwan ang maong iskor.
Gamit ang 9-0 run, giputol sa Dallas ang labaw sa Boston ngadto sa 103-98, sa pagsulod sa katapusang minuto sa duwa.
Apan, wala tuguti sa Boston nga makahimo ug bag-ong run ang nang-gahut nga nga Mavs, dayung tapos sa dula sa 105-98 nga iskor pinaagi sa orkistradong depensa.
Himoon sa homecourt sa Dallas ang sunod na usab nga dula karong Hunyo 13 alang sa Game 3.
