BUTUAN CITY – Sugdan na karong adlawa sa General Santos City ang Boss Ironman Challenge Mindanao Cup 2026 – usa ka endurance event nga maghatag og moto-tourism experience ug camaraderie sa mga riders.
Gi-andam sa mga entranteng gikan sa nagkada-iyang lugar sa Pilipinas ang ilang lawas ug motorsiklo sulod na sa pipila ka mga adlaw aron makaya ang duha ka adlaw nga motor-riding adventure.
Usa sa musalmot ang ironman rider gikan sa Capiz nga si Kiril Benliro kinsa nagbutyag nga importante kaayo ang pagpangandam alang sa maong kalihukan alang sa kaluwasan sa kinatibuk-ang biyahe.
Gikan sa Gensan, libuton sa mga entrante ang Mindanao gamit ang duha ka ruta nga magpakita sa kanindot sa viers sa kadagatan, kabukiran ug lokal nga kultura. Human sa duha ka adlaw nga paglibot-suroy, mubalik sila sa Gensan ugmang adlawa, Pebrero 1.
