BUTUAN CITY – Gikalipay sa Malay Tourism Office ang pag-ila sa Cabin Zero, usa ka iladong British company sa mga travelling bags, sa isla sa Boracay isip nag-unang “Best White Sand Beach in the World” karong tuiga.
Sigon ni Malay Tourism Officer Dr. Felix delos Santos, ang maong pag-ila nagpakita lang nga nag-unang destinasyon sa mga travelers ang isla tungod sa beauty and charm niini ilabina ang puti ug pino nga buhangin.
Ang Boracay nahan-ay sa No. 1 spot sa duna’y pinakanindot nga white sand beach sa tibuok kalibutan.
Na-ukasan niini ang uban pang mga sikat nga white beaches sama sa Whitehaven Beach sa Australia; Clearwater Beach sa Florida, ang Carmel Beach sa California, Diani Beach sa Kenya, Varadero Beach sa Cuba, Grace Bay sa Turks and Caicos, Long Beach sa Phu Quoc, Vietnam; Palm Beach sa Aruba ug ang Maya Beach sa Thailand.
Gawas sa scuba diving, snorkeling, windsurfing, kiteboarding, ug cliff diving, gidagsa usab ang Boracay tungod sa night life niini.
