BUTUAN CITY – Mi-apela na ang book author nga si Nicholas Kaufmann nga dili na siya samuk-samukon sa mga supporters ni kanhi Pangulong Rodrigo Duterte kinsa wala’y hunong sa pagpadala kaniya og mga mensahe ug mga comments.
Nasayrang kapangalan ni Kaufmann ang abogado ni Duterte nga si ICC counsel Nicholas Kaufman kondiin ang sobra nga letrang N lang ang nakalahi sa ilang apelyido.
Sigon ni Nick, nakurat siya sa pagdagsa sa mga mensahe nga iyang nadawat ning nakalabay’ng mga adlaw. Apan dili lang matud pa mga pro-Duterte ang mga nagpadala kaniya og mensahe tungod kay duna usa’y mga anti-Duterte.
Tungod niini, gitambagan siya sa iyang mga ka-ila nga himuan na lang og libro ang iyang kasinatian human misikat og kalit sa Pilipinas tungod kay siguradong daghan ang magka-interest niini. Gitambagan usab kining pasagdan na lang ang mga comments ug messages.
