BUTUAN CITY – Dako ang pagpasalamat sa mga tawong nakabantay sa usa ka bag nga tulo ka adlaw nang gibilin sa wala mailang magti-ayon sa portion sa Marcos Calo St., sa Butuan City, nga negatibo kini sa bomba human kini naghatag og bomb scare.
Kini human malampusong na-clear sa mga sakop sa Explosives and Ordnance Disposal kon EOD team ang maong bag ug nasutang pulos sinina lang ang sulod niini bisan pa man sa inisyal nga paglingkod sa ilang dala nga sniffing dog.
Sigon ni Pacita Toral, trabahante sa salon, gibilin ang maong bag sa gawas nga bahin niadto pang Martes ug tungod kay wala na kini balika, nagpatabang na sila sa taga-EOD team ning siyudad kagahapon pa apan karon pa available ang maong grupo rason nga narespondehan kini kaganina.
Dako na lang ang ilang pasalamat nga negatibo sa bomba ang maong butang rason nga makabalik na matud pa sila sa normal nilang paglihok-lihok.
