BUTUAN CITY – Gisugdan na ang usa ka ‘standard practice’ sa Bombo Radyo Philippines nga pagtigom sa mga kadagkuan niini gikan sa nagkalain-laing dapit sa nasod, ang Top Level Management Conference. Ginahimo kini matag tuig isip pagsukod sa mga nahimo sa matag estasyon, kung nahaum ba kini sa gitakdang standard of excellence sa Network. Ning tuiga, tema sa Top Level Management Conference, ang LEADER OF UNMATCHED INNOVATION IN RADIO REVOLUTION.
Taliwala sa nasinatian karong pagdaghan sa mga pekeng balita, ug pag-usbaw sa mga sayop nga impormasyon, nagpabilin gihapon ang Bombo Radyo Philippines isip NUMBER ONE AND MOST TRUSTED RADIO NETWORK IN THE COUNTRY, kansang institusyon, giila isip pinaka-masaligan sa insakto ug matuod nga mga balita’g impormasyon.
Apan dili sayon ang pagkab-ot sa nasangpit nga kadaugan. Adlaw ug gabie, walay puas nga gisiguro sa mga katawhan sa Bombo Radyo Philippines nga mamintina ang taas nga standards ug masigurong ang tanang gi ere sa kahanginan kay hugot nga gipangandaman; ingon man kanunay usab niining gi tamdan ang pagtuo ni Aristotle nga dili aksidente ang kamaayo, kundili resuta kini sa klarong intensyon, pagpaningkamot, ug maalamong binuhatan- ang pagpili ang mo ditermina sa kapalaran ug dili ang kahigayonan.
Wala’y kuka-ulaw nga gi-angkun sa Bombo Radyo Philippines nga nag-una kini sa radyo ug teknolohiya. Kanunay niining ginabag-o ang kaugalingon pinaagi sa pagbaton og bag-ong mga sestima ug pamaagi nga makapa-aghat sa mga suking tig-paminaw. Kini human nga nagpabilin gihapon ang radyo isip importanteng bahin sa kinabuhi sa mga tawo, diin ginagamit na usab niini ang teknolohiya sa paghatud sa haum sa panahon, ug pinakabag-o nga balita, impormasyon, ug kalingawan.
Saad sa Bombo Radyo Philippines sa mga tigpaminawan niini nga hatud sa Network ang pinakamaayong content. Subay niini, anaa sa Top Level Management Conference ang mga bangiitan nga in house speakers ingon man ang mga imbitadong eksperto sa ilahang managlahing natad alang sa aplikasyon sa hinas-hasang gawi sa tanang parte sa operasyon sa Network. Apan labaw sa tanan, natad usab kini, asa i-yagyag ang mga pinaka maayong programa nga labing makatarug sa kinabuhi sa mga suking tigpaminaw.
Pinaagi sa paghiusa sa tanang kaalam sa mga lider uban sa di-matupngang kasinatian sa mga front liners sa matag estasyon, klaro ug tataw nga ang Bombo Radyo Philippines, magpadayon isip Number One and Most Trusted Radio Network in the Country! Basta Radyo…. BOMBO!
