BUTUAN CITY – Sa ikaduhang higayon, subling nakakuha ang Bombo Radyo Philippines network og pasidungog gikan sa Trinity University of Asia human napiling Most Reliable National AM Radio Station atol sa virtual ceremony sa gipahigayong Platinum Stallion Media Awards kaganina.
Ang maong pasidungog nakapakurat sa kadumalahan sa network tungod kay ang mga estudyante man sa maong unibersidad ang nag-endorso sa Bombo Radyo alang sa maong kategoriya ng gisalmutan usab sa lain pang mga dagkong national radio networks sa nasud.
Sigon ni Bombo news anchor Dennis Jamito, dili matukib ang pagpasalamat sa kadumalahan sa Bombo Radyo pagpanguna ni President ug Chief Executive Officer Margeret Ruth Florete ug chairman Dr. Rogelio M. FLorete sa laing dungog nga nakuha sa Bombo Radyo.
Alayon niini, misaad ang Bombo Radyo nga mas doblehon pa ang paningkamot aranm mahatag sa tanan niining mga tigpamawan sa Bombo Radyo ang pinakabag-o, pinakalab-as ug pinaka-init nga balita, mga impormasyon og uban pang na-andan nang gihanyag niini ngadto sa mga tigpaminawan rason nga nagpabilin kitang Number 1 radio network sa atong nasud.
