BUTUAN CITY – Giila ang Bombo Radyo Philippines isip Most Reliable AM Radio Station of the Year. Gihimo ang pasidungog atol sa 10th Platinum Stallion National Media Awards 2025 sa Trinity University of Asia kagahapong adlawa, Pebrero 17.
Nasayrang sa kategorya nga awards for radio, nahimong Most Reliable AM Radio Station of the Year ang Bombo Radyo Philippines diin lakip sa nahatagan og pasidungog nga mga radio station ang Super Radio DZBB isip AM Radio Station of the Year, ang Love Radio isip FM Radio Station of the Year, og si DJ Nicole Hiyala ang female Disc Jockey of the year.
Kahinumdumang sunod-sunod na nga pasidungog ang nadawat sa Bombo Radyo Philippines kansa magpamatood nga nag-una kini sa radyo isip kasaligan sa mga impormasyon og balita.
Kini human usab subling nakuha sa Bombo radyo Philippines ang titulong MOST TRUSTED RADIO NETWORK IN THE COUNTRY. Subay niini mga ka-Bombo among isaad nga padayon ninyu kaming masaligan sa paghatud og impormasyon og mga balita.
