BUTUAN CITY – Opisyal nang gi-ila sa Philippine Southeast Asian Games Organizing Committee kon PHISGOC ang Bombo Radyo Philippines isip usa sa ilang mga media partners alang sa 2019 Southeast Asian kon SEA Games.
Mitambong sa seremonya nga gipahigayon sa usa ka dakong hotel sa Clark, Pampanga ang Vice President sa Bombo Radyo nga si Herman Basbaño, ug Assistant Vice President Jenil Demorito.
Gipangunahan usab ni House Speaker ug PHISGOC chairman Alan Peter Cayetano ang okasyon.
Human ang pinirmahay sa kontrata gihatagan usab sila Bombo Herman ug Bombo Jenil og jacket sa SEA Games, na kasagrang ginahimo sa mga sponsors ug partners.
Dako ang pagpasalamat ni Cayetano ngadto sa mga sponsors ug media partners aron masiguro ang malampusong pag-host sa nasud sa SEA Games karong Nobyembre.
Gipaniguro usab ni Cayetano nga himuon nila ang tanan aron mahatag usab ang ‘best’ sa SEA Games sa kasaysayan sa n asud.
Nasayran na ang Bombo Radyo lamang ug wala na’y lain pang radio network sa mga media partners sa PHISGOC alang sa maong padula.
