-- ADVERTISEMENT --
BUTUAN CITY – Namintina sa Bombo Radyo Philippines ang titulong usa sa 10 Most Trusted Media Outlets sa Pilipinas, base na sa resulta sa pinaka-ulahing 2025 Pahayag First Quarter survey sa Publicus Asia, Inc.
Gihimo ang survey ngadto sa 1,500 ka mga indibidwal niadtong Marso 15 hangtud 20 ning tuig 2025.
Ang resulta base na sa gigamit nga rating scale nga 1 hangtud 5, kondiin ang 1 mao ang No Trust samtang ang 3 mao ang Moderate ug 5 ang Very High Trust.
Gitubag sa na-survey nga mga indibidwal ang pangutana kung unsaon nila pag-rate ang kinatibuk-ang ‘trustworthiness’ sa mga news outlets sa kinatibuk-ang tuig 2024.
