BUTUAN CITY – Hilabihan ang pagpasalamat sa usa ka inahan sa Bombo Radyo Butuan human gitagad ning sibyahan ang kasong pagmaltrato sa iyang anak nga Domestic Helper sa Kuwait.
Una nang nakita ning sibyahan ang post sa OFW nga si Edinel Coronacion Salvacion nga taga Quezon Province, namenyu ug taga Barangay Lumbucan ning siyudad sa Butuan.
Sa pakighinabi ning sibyahan sa inahang si Edna Goreta nga taga Barangay Sta Lucia, Dolores sa probinsiya sa Quezon, gipahayag niini nga hilabihan ang iyang kabalaka ug dili na kini katulog sa dihang nakita sa facebook post ang hulagway sa iyang anak nga nagkadugo human gimaltrato sa iyang amo.
Sumala pa niini, plano unta niyang muadtu sa kauluhang Manila aron modangop sa radyom station ug magpakitabang.
Kini ang hinungdan nga hilabihan ang iyang pagpasalamat sa Bombo radyo Butuan nga maoy unang mitawag kaniya aron pakisayran pa ang nahitabo sa iyang anak.
Gisaysay pa niini nga niadtu pang bulan sa Setyembre ning tuiga nahuman ang kontrata sa iyang anak human milarga niadtong tuig 2015 og nakurat nalang kini human nasayran nga wala pa siya makapauli ug nakahi-agum na usab ug pagmaltrato.
Kini na matud pa ang ikaduhang pagmaltrato nga nahi-aguman sa iyang anak human ang una niining nasinatian dihang gisumbag matud pa sa iyang amo ning mi-aging upat ka buwan, rason sa mga bun-og ug lagom sa iyang kalawasanag iyang na-angkon. (Rolan Janea)
