BUTUAN CITY – Espesyal na gipasalamatan sa Police Regional Office (PRO-13) ang Bombo Radyo Butuan, tungod sa kanunay’ng pagpa-ere sa mga Todos los Santos tips nga mitatak sa huna-huna sa mga tawo apil na sa mga bata.
Sigon ni P/Chief Insp. Rennel Serrano, information officer sa PRO-13, usa ka bata ang nagsumbong sa kapulisan nga duna’y nag-inom sulod sa usa ka sam-ang human matud pa nadunggan sa Bombo Radyo nga bawal ang pagdala og pag-inom og ilimnong makahubog hinungdan nga dali kining na-aksyunan.
Dugang pa ni Chief Insp. Serrano nga malianwon sa kinatibuk-an ang tibuok rehiyon sa Caraga sa pag-obserba sa Todos los Santos tungod kay wala’y natalang kremin o kagubot sulod sa mga minteryo.
Kini tungod na usab sa hugot nga pagpatuman sa direktiba ni Regional Director Rolando Felix nga seguruhong wala’y dautang mahitabo sulod sa mga sam-ang og pugngan ang duna’y planong isabotahe ang maong mga aktibidad. (Rolan Janea)
