BUTUAN CITY – Gihatagan og pag-ila sa Department of Education kon DepEd-Caraga ang Bombo Radyo Butuan atol sa ilang gipahigayong ‘Pahinungod sa mga KABULIG 2024,’ sa Balanghai Hotel and Convention Center ning siyudad sa Butuan kaganina.
Ang maong kalihukan, usa ka avenue aron ilhon ug pasidunggan ang ilang mga partners ug stakeholders atol sa Palarong Pambansa 2024, Regional Mental Health Project Pitching Competition 2024, Regional Teachers’ Got Talent 2024, ug uban pang mga kalihukan.
Sa gihatag nga plaque of appreciation nga pinirmahan ni DepEd-Caraga Director IV Maria Ines Asuncion, ilang gidayeg ug kinasing-kasing nga gipasalamatan ang Bombo Radyo Butuan tungod sa wala’y paglubad niining partnership ug suporta nga nakatabang sa malampusong pagpatuman sa ilang mga programa, proyekto ug uban pang mga kalihukan.
